BOL ÇEŞİD, YÜKSƏK KEYFİYYƏT, SƏRFƏLİ QİYMƏT
Ana səhifə Paypal haqqında

PayPal sistemində qeydiyyat

PayPal sistemində qeydiyyatdan keçmək və bu sistem vasitəsilə ödənişlər aparmaq pulsuzdur. Qeydiyyatdan keçmək üçün Sizə:

  • balansında ən azı bir neçə ABŞ dolları ekvivalentində vəsait olan bank kartı (kartda vəsait olmadığı halda qeydiyyat aparmaq mümkün olmayacaq);
  • aktiv elektron poçt ünvanı (e-mail)

lazım olacaq.

PayPal sistemində qeydiyyat qaydaları

www.paypal.com internet səhifəsinə daxil olun və “Sign up” ("Qeydiyyatdan keç") düyməsinə basın.

Açılmış səhifədə Siz yaşadığınız ölkə ("Your country or region") və istifadə etmək istədiyiniz dili ("Your language") və qeydiyyat növünü seçməlisiniz. PayPal sistemi iki növ qeydiyyat təklif edir: fiziki (Individual) və hüquqi (Business) şəxslər üçün. Online mağazalarda alış-veriş etmək və ya hər hansı xidmət haqlarını ödəmək üçün fiziki şəxslər (Individual) bölməsini seçmək lazımdır.

Yaşadığınız ölkə, istifadə etmək istədiyiniz dil və qeydiyyat növünü seçdikdən sonra, “Open an account” ("Hesab açmaq") düyməsinə basın.

Bu səhifədə Siz özünüz haqqında şəxsi məlumatları bildirməlisiniz. Bütün məlumatlar ingilis dilində daxil edilməlidir. Diqqətli olun: bütün bəndlər mütləq doldurulmalıdır.

Bank kartınız haqqında məlumatı başqa zaman bildirmək istədiyiniz halda, “Link my credit card so I can start shopping right away (recommended)” bəndinin qarşısındakı ✔nişanı götürməlisiniz.

Qeydiyyatınızı tamamlamaq üçün “Agree and Create Account” ("Hesab açmağa razıyam") düyməsinə basın. DİQQƏT! PayPal sistemində qeydiyyatdan keçərək, Siz avtomatik olaraq bu sistemin İstifadə və Təhlükəsizlik qaydaları ilə razı olduğunuzu qəbul edirsiniz (“User Agreement” və “Privacy Policy” bəndləri ilə diqqətlə tanış olun).

Elektron poçt ünvanının (e-mail) təsdiq edilməsi

Qeydiyyat zamanı göstərdiyiniz elekton poçt ünvanını (e-mail) təsdiq etmək üçün PayPal sistemi Sizə service@intl.paypal.com ünvanından “Activate your new PayPal account” məktubunu göndərəcək. Bu məktubda göstərilən “Activate My Account” düyməsini basmaqla, Siz PayPal sisteminin internet səhifəsinə yönləndiriləсəksiniz.Burada qeydiyyat zamanı göstərdiyiniz parolu daxil etməlisiniz.

Bank kartının təsdiq edilməsi

Bank kartınızı PayPal sistemində qeydiyyatdan keçirmək üçün bank kartınızın aşağıdakı rekvizitlərini daxil etmək lazımdır:

  • Kartın nömrəsi– kartınızın üz tərəfindəki rəqəmlər (aralıqsız daxil edin)
  • Kartın istifadə müddətinin son tarixi – kartınızın “Expiry Date” və ya "Valid Thru" bəndində göstərilən tarixi daxil etməlisiniz
  • CSC - kartınızın təsdiq edilmə kodu (CVV code): kartınızın arxa tərəfində, imza zolağından sağda göstərilən üç rəqəm

Bank kartınızı PayPal sistemində qeydiyyatdan keçirmək üçün Sizin bank kartınızda ən azı bir neçə ABŞ dolları əkvivalentində vəsait olmalıdır. Bank kartınızın təsdiq edilməsi zamanı hesabınızdan 1,95 ABŞ dolları tutulacaqdır (sonradan bu məbləğ kartınıza gaytarılacaq). Bank kartınızdan çıxarışda bu ödənişin təfsilatında 4 rəqəmli kod (“1234PayPal — *EXPUSE”) göstəriləcəkdir. Kodun əvvəlində göstərilən dörd rəqəmi PayPal internet səhifəsində daxil etməlisiniz.

PayPal kodunuzu aşağıda göstərilən yollarla əldə edə bilərsiniz:

  • “InternetBank” xidməti vasitəsilə;
  • “MobilBank”xidməti vasitəsilə;
  • “SMS Xəbərdarlıq” xidmətinə goşulduğunuz halda SMS vasitəsilə;
  • Bankomat vasitəsilə aldığınız hesabdan çıxarışdan;
  • Bankın Müştəri Xidmətlərinə zənq edib, TPİN kodunuzu bildirərək

PayPal sistemində qeydiyyatdan keçərkən, “My Account” (“Mənim hesabım”) seçin və “Confirm my debit or credit card”(“Mənim kredit və ya debet kartımı təsdiq et”) düyməsinə basın. PayPal kodunuzu daxil edin və “Submit” (“Göndərmək”) düyməsinə basın. Bununla Sizin qeydiyyatınızın baş tutduğu haqqında statusunuz təsdiqlənəcək “Verified” (“Təsdiqlənmiş”).