BOL ÇEŞİD, YÜKSƏK KEYFİYYƏT, SƏRFƏLİ QİYMƏT
Ana səhifə Samsung televizorları “Wi-Fi 6” standartını dəstəkləyəcək - 20 March 2020
Ana səhifə » 2020 » Mart » 20 » Samsung televizorları “Wi-Fi 6” standartını dəstəkləyəcək
18:44
Samsung televizorları “Wi-Fi 6” standartını dəstəkləyəcək

 

"Samsung" şirkətinin yeni "QLED 8К" televizorları "Wi-Fi 6" standartı dəstəyi ilə təchiz ediləcək. Cənubi Koreya istehsalçısına müvafiq sertifikat "Wi-Fi Alliance" təşkilatı tərəfindən verilib.

"ICTnews" Elektron Xəbər Xidməti "Mediasat" resursuna istinadən yazır ki, söhbət bu il buraxılan "Q950" və "Q900" seriyalı televizorlardan gedir. "Wi-Fi 6" dəstəyi "Wi-Fi 5" ilə müqayisədə məlumatları dörd dəfə daha yüksək sürətlə ötürərək şəbəkədə eyni anda bir neçə qurğunun stabil qoşulmasını saxlamağa imkan verir.

Bildirilir ki, "Wi-Fi 6" standartından istifadə Cənubi Koreya şirkətinin televizorlarına şəbəkəyə 12 Qbit/saniyə sürətlə daxil olmağa şərait yaradacaq ki, bu da təkcə "8К" formatlı videonu deyil, eyni zamanda digər kontenti, o cümlədən oyunları yubanmadan ötürməyi təmin edəcək.

Xatırladaq ki, "Wi-Fi 6" 12 Qbit/saniyə ötürmə sürətini təmin edən "802.11ax" simsiz məlumat ötürmə standartıdır.

© İctnews

Oxunulub: 13 | | Reytinq: 0.0/0
Bütün komentlər: 0
avatar